Hartman von Uuwe 93 alsus was im der trōst benomen ūf den er dar was komen, und dar nach für die selben frist hat er ze sīner genist 240 dehein gedinge mēre. des wart sīn herzesēre also kreftic unde grōз daз in des aller meist verdrōз, ob er langer solle leben. 245 nū fuor er heim und begunde geben sīn erbe und ouch sīn varnde guot, als in dō sīn selbes muot und wiser rät lērte, da erз aller beste bekērte. 250 er begunde bescheidenlīchen sīn armen friunde rīchen und tröste ouch frömde armen, daз sich got erbarmen geruochte über der sēle heil: 255 gotes hiusern viel daз ander teil. alsus so tet er sich abe bescheidenlīchen sīner habe unz an ein geriute: dar flōch er die Hute. 260 disiu jæmerlīche geschiht diu was sīn eines klage niht: in klageten elliu diu lant da er inne was erkant, und ouch von vrömden landen 265 die in nach sage erkanden. Der ē ditz geriute und der eз dannoch biute, daз was ein frier būman der vil selten ie gewan 270 dehein grōз ungemach,